തൊഴില്‍ രഹിതരായ 18-40 നും മധ്യേ പ്രായമുളള യുവതീ യുവാക്കളെ കൈത്തറി മേഖലയിലേക്ക് ആകര്‍ഷിക്കുക വഴി പരിശീലനം നല്‍കി വിജയകരമായ നെയ്ത്തുകാരാക്കി മാറ്റുക എന്നുളളതാണ് ഈ പദ്ധതി ലക്ഷ്യമിടുന്നത്. ജില്ലാ വ്യവസായ കേന്ദ്രങ്ങള്‍ അതാത് കുടുംബശ്രീ മിഷനുമായി ചേര്‍ന്ന് ഗുണഭോക്താക്കളെ കണ്ടെത്തുന്നു.
പദ്ധതി സവിശേഷതകള്‍
- കുടുംബശ്രീ. മിഷന്‍ വഴി തെരഞ്ഞെടുക്കുന്ന 20 പേരടങ്ങുന്ന ഒരു ബാച്ച്
- 2 ഘട്ടം പരിശീലനം നല്‍കുന്നു.
- പദ്ധതിയുടെ പ്രാഥമതിക ഘട്ടത്തില്‍ 3 മാസ പരിശീലനം നല്‍കുന്നു ( ജില്ലാ വ്യവസായത്തിന് കീഴിലുളള സഹകരണ സംഘങ്ങളുടെ ഉപയോഗിക്കാത്തതോ /ഉപയോഗിക്കുന്നതോ ആയഷെഡ്/കെട്ടിടങ്ങള്‍, കടുംബശ്രീ കെട്ടിടം/ഷെഡ്, പരിശീലനത്തില്‍ പങ്കെടുക്കുന്നവരുടെ സ്വന്തം ക്രമീകരണങ്ങള്‍)
- പരിശീലകര്‍, തറി അസംസ്കൃത വസ്തുക്കള്‍ സ്റ്റൈപന്‍റ് എന്നിവ ഈ കാലയളവില്‍ നല്‍കുന്നു.
- പ്രാഥമിക ഘട്ട പരിശീലനത്തിനുശേഷം വേതനം നല്‍കി 3 മാസത്തേക്ക് പ്രൊബേഷനില്‍ നെയ്ത്തുകാരായി ജോലി ചെയ്യുന്നു.
- യുവതീ/യുവാക്കളെ ഈ മേഖലയിലേക്ക് ആകര്‍ഷിക്കുന്നതിനും കുറഞ്ഞത് 5 വര്‍ഷത്തേക്ക് അവരെ നിലനിര്‍ത്തുന്നതിനുമായി, നെയ്ത്ത്കാരുടെ പ്രാരംഭഘട്ടം പൂര്‍ത്തിയാക്കിയ തിനുശേഷം പോസ്റ്റ് ഓഫീസ് ആവര്‍ത്തന നിക്ഷേപ പദ്ധതിക്ക് നിര്‍ദ്ദേശിക്കപ്പെട്ടിരിക്കുന്നു. പദ്ധതിയില്‍ ഓരോ വ്യക്തിക്കും 5 വര്‍ഷത്തേക്ക് അതേ തുക സ്വയം സംഭാവന ചെയ്യാന്‍ കഴിയുമെങ്കില്‍ സര്‍ക്കാരില്‍ നിന്നും 250 രൂപയുടെ പ്രതിമാസ വിഹിതം ലഭിക്കും. ഈ പദ്ധതിയുടെ പ്രയോജനം ലഭിക്കുന്നതിന് നെയ്ത്തുകാരന്‍ ഒരു മാസം 75 മീറ്റര്‍ തുണി നെയ്തിരിക്കണം.
- ഗുണഭോക്താവിന് ലഭിക്കുന്ന തറിയുടെ ഉടമസ്ഥൻ സർക്കാർ ആയിരിക്കും .കാരണങ്ങളില്ലാതെ വെറുതെ ഇരിക്കുന്ന തറികൾ സർക്കാർ തിരികെ എടുക്കുന്നതാണ് .
- ജനറൽ മാനേജർ ചെയർമാനും കുടുംബശ്രീ ജില്ലാ ഓഫീസർ കൺവീനർ ആയും ഉള്ള കമ്മിറ്റി ഈ പദ്ധതി അവലോകനം ചെയ്യുന്നതായിരിക്കും.
ഒന്നാംഘട്ട പരിശീലനം
പങ്കെടുക്കുന്നവരുടെ എണ്ണം/ബാച്ച്-20
| ക്രമ നമ്പർ | ഘടകത്തിന്റെ പേര് | തുക (ലക്ഷത്തിൽ ) |
| 1 | 10 തറികള്‍ക്ക് 3 മാസത്തേക്കുളള അസംസ്കൃതവസ്തു | 1 ലക്ഷം |
| 2 | ഒരു ഗുണഭോക്താവിന് 25 ദിവസം 200 വെചച് 3 മാസത്തേക്ക് സ്റ്റൈപന്‍റ് ( 20 x 200x25x 3 ) | 3 ലക്ഷം |
| 3 | മാസ്റ്റര്‍ വീവര്‍ ട്രെയിനിംഗ് 15000 രൂപ വെച്ച് മാസത്തേക്ക് ( 15000 X 3) | 54 ലക്ഷം |
| 4 | അസിസ്റ്റന്‍റ് മാസ്റ്റര്‍ വീവര്‍ക്ക് 12000 രൂപ വെച്ച് 3 മാസത്തേക്ക് (12000 X 3) | 36 ലക്ഷം |
| 5 | ലൂം ഒന്നിന്ന് 50000/- രൂപ വെച്ച് 10 എണ്ണം ( 10 X5000) | 5 ലക്ഷം |
| 6 | പലവക | 10 ലക്ഷം |
| 7 | ആകെ | ആകെ |
| 8 | 25 ബാച്ച്കള്‍ക്ക് 25×10 | 250 ലക്ഷം |
രണ്ടാം ഘട്ടം പരിശീലനം
| ക്രമ നമ്പർ | ഘടകത്തിന്റെ പേര് | തുക (ലക്ഷത്തിൽ ) |
| 1 | ഒരു ഇന്‍കുബേറ്റര്‍ 125 രൂപ വേജ് സപ്പോര്‍ട്ടിനത്തില്‍ 25 ദിവസം മൂന്ന് മാസത്തേക്ക് (125 X 25X20X 3) | 1.875 ലക്ഷം |
| 2 | ബാക്കി 10 തറികള്‍ക്ക് 50000 രൂപ (5000X10 ) | 5 ലക്ഷം |
| 3 | 1 ബാച്ച് | 6.875 |
| 4 | 25 ബാച്ച് | 142.5 |
അപേക്ഷിക്കേണ്ട വിധം
അപേക്ഷയും അനുബന്ധ രേഖകളും ജില്ലാ വ്യവസായ കേന്ദ്രം ശുപാര്‍ശ ചെയ്ത് നല്‍കുന്നു.
ചെക്ക് ലിസ്റ്റ്
- കമ്മിറ്റി തീരുമാനം
- നിശ്ചിത ഫോറത്തില്‍ പൂരിപ്പിച്ച അപേക്ഷ കുടുംബശ്രീ ജില്ലാ കോ-ഓര്‍ഡിനേറ്ററുടെ ശുപാര്‍ശയും ജില്ലാ വ്യവസായ കേന്ദ്രം ജനറല്‍ മാനേജരുടെ ശുപാര്‍ശ വേണം)
- പ്രായം തെളിയിക്കുന്നതിന് എസ്.എസ്.എല്‍.സി യുടെ പകര്‍പ്പ്
- പരിചയ സമ്പത്ത്
പരിശീലന തുക ജില്ലാ വ്യവസായ കേന്ദ്രം മാനേജരുടെ പേരിലോ/ കുടുംബശ്രീ. ജില്ലാ കോ-ഓര്‍ഡിനേറ്ററുടെ പേരിലുളള പി.എസ്.റ്റി.എസ്.ബി /എസ്.പി.എല്‍ റ്റി.എസ്.ബി എന്നീ അക്കൗണ്ടുകളിലേക്കാണ് ഫണ്ട് നല്‍കുന്നത്.