കൈത്തറി മേഖലയിലെ തൊഴിലാളികളുടെയും അവരുടെ കുടുംബാംഗങ്ങളുടെയും ക്ഷേമത്തിനും പ്രോത്സാഹനത്തിലും വേണ്ടിയുളളതാണ് ഈ പദ്ധതി. ക്ഷേമ നിധി ബോര്‍ഡിന്‍റെ കീഴില്‍ വരുന്ന നെയ്ത്തുകാര്‍ ഈ പദ്ധതിയുടെ ഗുണഭോക്താക്കളായിരിക്കും.നെയ്ത്ത് തൊഴിലാളിയുടെ കൂലിയുടെ 8% തുക ഇതിലേക്കായി ഈടാക്കുകയും അത്രയും തന്നെ തുക സര്‍ക്കാരില്‍ നിന്ന് ലഭ്യമാക്കുകയും ചെയ്യുന്നു.
വരിക്കാരന്‍റെ വേതനത്തില്‍ നിന്നും ഓരോ മാസവും 8% തുക ഫണ്ടിലേക്ക് ഈടാക്കുകയും അത്രയും തുക സര്‍ക്കാര്‍ വിഹിതമായി ഫണ്ടില്‍ നിക്ഷേപിക്കുകയും ചെയ്യുന്നു. വരിക്കാരുടെ വിഹിതം അടച്ച ശേഷം ഓരോ മാസവും സര്‍ക്കാര്‍ വിഹിതത്തിനുളള അപേക്ഷ അതിനുളള മാസം 15 ന് മുമ്പായി ജില്ലാ വ്യവസായ കേന്ദ്രം ജനറല്‍ മാനേജര്‍ മുമ്പാകെ സമര്‍പ്പിക്കേണ്ടതുംജനറല്‍ മാനേജര്‍ പരിശോധനയ്ക്ക് ശേഷം സര്‍ക്കാര്‍ വിഹിതം അനുവദിക്കുന്നതുമാണ്.