ലഘുവിവരണം
കൈത്തറി മേഖലയുടെ പുരോഗതിയും കൈത്തറി തൊഴിലാളികളുടെ സാമൂഹ്യ സുരക്ഷിതത്വവും ഉറപ്പുവരുത്തുന്നതിനായി പ്രാഥമിക കൈത്തറി സംഘങ്ങള്, ഹാന്റക്സ്, ഹാന്വീവ് എന്നിവര്ക്ക് സംസ്ഥാന സര്ക്കാർ റിബേറ്റ് നല്കുന്ന പദ്ധതി നടപ്പിലാക്കി വരുന്നു. ഉത്സവ കാലങ്ങളില് സര്ക്കാർ മുന്കൂട്ടി തീരുമാനിച്ച ദിവസങ്ങളില് സര്ക്കാർ നിശ്ചയിച്ച നിരക്കില് ( 20%) കിഴിവ് നല്കി കൈത്തറി തുണിത്തരങ്ങള് വില്പ്പന നടത്തുകയും പ്രാഥമിക കൈത്തറി സംഘങ്ങള്, ഹാന്റക്സ്, ഹാന്വീവ് എന്നിവരുടെ അപേക്ഷ പ്രകാരം വില്പ്പനയിൽ കിഴിവ് നല്കിയ തുക സര്ക്കാർ റീഇമ്പേഴ്സ് ചെയ്ത് നല്കുകയും ചെയ്യുന്നു. ഇതാണ് സംസ്ഥാന റിബേറ്റ് പദ്ധതി, ഉപഭോക്താക്കള ആകര്ഷിക്കുകയും വില്പ്പന വര്ദ്ധിപ്പിക്കുകയും അതിലൂടെ കൈത്തറി മേഖലയെ പരിപോഷിപ്പിക്കുകയും തൊഴിലാളികള്ക്ക് തൊഴില് ലഭിക്കാനുളള സാഹചര്യം ഉണ്ടാക്കുകയും അതുവഴി അവരുടെ ജീവിത സുരക്ഷ ഉറപ്പുവരുത്തുകയും ആണ് ഈ പദ്ധതിയുടെ ലക്ഷ്യം.
ആര്ക്കൊക്കെ ലഭിക്കും
സംസ്ഥാനത്തിനകത്തു പ്രവര്ത്തിക്കുന്ന ഉല്പ്പാദനമുളള പ്രാഥമിക കൈത്തറി സഹകരണ സംഘങ്ങള് ഹാന്റക്സ് ഹാന്വീവ് എന്നിവര്ക്കാണ് പദ്ധതിയുടെ ആനുകൂല്യം ലഭിക്കുന്നത്.
എങ്ങനെ അപേക്ഷിക്കാം
വിവിധ ഉത്സവകാലയളവുകളില് സര്ക്കാർ നിശ്ചിയിക്കുന്ന ദിവസങ്ങളില് കൈത്തറി സംഘങ്ങള്, ഹാന്റക്സ്, ഹാന്വീവ് എന്നിവര്ക്ക് സര്ക്കാർ നിശ്ചയിച്ച കിഴിവ് നല്കി തുണിത്തരങ്ങള് വിറ്റഴിക്കാവുന്നതാണ്. ഈ തുക റീ ഇമ്പേഴ്സ് ചെയ്യാനായി ബന്ധപ്പെട്ട കോ-ഓപ്പറേറ്റീവ് ഇന്സ്പെക്ടര്മാര് മുഖേന അതാത് ജില്ലാ വ്യവസായ കേന്ദ്രങ്ങളില് അപേക്ഷ സമര്പ്പിക്കാവുന്നതാണ്. ജനറല് മാനേജര്മാർ അപേക്ഷ ശുപാര്ശ ചെയ്ത കൈത്തറി & ടെക്സ്റ്റയില്സ് ഡയറക്ടര്ക്ക് സമര്പ്പിക്കുന്നു. നിശ്ചിത കാലാവധിക്കുളളില് തന്നെ അപേക്ഷകള് സമര്പ്പിക്കേണ്ടുന്നതാണ്.
അര്ഹത
സര്ക്കാർ ഓരോ സാമ്പത്തിക വര്ഷവും പുറപ്പെടുവിക്കുന്ന റിബേറ്റ് കലണ്ടറില് ഉള്പ്പെടുന്ന ദിവസങ്ങളിലെ വില്പ്പനയ്ക്ക് മാത്രമേ പ്രാഥമിക കൈത്തറി സഹകരണ സംഘങ്ങള് ഹാന്റക്സ്, ഹാന്വീവ് എന്നിവക്ക് റിബേറ്റ് അര്ഹതയുളള. ആകെ വില്പ്പയുടെ 20% ആണ് റിബേറ്റായി അനുവദിക്കുന്നത് ( സ്കൂള് യൂണിഫോം 30%), വില്പ്പന നടത്തുന്നത് 20% വിലക്കുറവില് ആയിരിക്കണം. ഉല്പ്പന്നങ്ങളില് ഹാന്റ്ലൂം മാര്ക്ക് പതിച്ചിരിക്കണം. അപേക്ഷയോടൊപ്പം ഡയറക്ടറേറ്റില് നിന്നും നല്കിയിട്ടുളള ചെക്ക് ലിസ്റ്റ് പ്രകാരമുളള എല്ലാ രേഖകളും ഉണ്ടായിരിക്കണം. കോ-ഓപ്പറേറ്റീവ് ഇന്സ്പെക്ടര്മാർ പരിശോധന നടത്തി രേഖകള് സാക്ഷ്യപ്പെടുത്തണം. ജനറല് മാനേജര് ലഭിക്കുന്ന അപേക്ഷകള് ജില്ലാ വ്യവസായ കേന്ദ്രത്തില് പരിശോധന നടത്തി അര്ഹത ഉളള പക്ഷം ഡയറക്ടറേറ്റിലേക്ക് സമര്പ്പിക്കുന്നു. ഡയറക്ടറേറ്റിലെ പരിശോധനയിലാണ് റിബേറ്റിന് അര്ഹത നിശ്ചയിക്കുന്നത്. റിബേറ്റ് വില്പ്പന കാലയളവ് കഴിഞ്ഞ് 120 ദിവസത്തിനുളളില് ഡയറക്ടറേറ്റില് എത്തുന്ന അപേക്ഷകള്ക്കാണ് റിബേറ്റിന് അര്ഹതയുളളത്.
മാനദണ്ഡങ്ങള്
ചെക്ക് ലിസ്റ്റ്, മാനദണ്ഡങ്ങൾ വിശദികരിക്കുന്ന കത്ത് എന്നിവ ഉള്ളടക്കം ചെയ്യുന്നു .